Ndryshime në trupën diplomatike/ Ambasadori i Shqipërisë në Londër drejt një posti të rëndësishëm në OSBE

Lëvizje pritet në trupën diplomatike shqiptare. Burime për mediat bëjnë me dije se Uran Ferizi do të emërohet në krye të Misionit të përhershëm të OSBE-së.

Sipas të njëjtave informacione, mësohet se Ferizi i cili aktualisht është ambasador i Shqipërisë në Mbretërinë e Bashkuar pritet të zhvillojë ditën e nesërme dëgjesën në Komisionin e Jashtëm.

Deri më tani në krye të Misionit të përhershëm të OSBE-së ka qenë Eglantina Gjermeni. Në shkurt të vitit 2022 ajo u dekretua në këtë detyrë nga presidenti i asaj kohe, Ilir Meta.