Ndodh sërish në Sarandë! Grupi i të rinjve rrihen me shkopinj bejsbolli, “tmerrohen” turistët

Një tjetër sherr brutal është regjistruar në vendin tonë, kësaj here në shëtitoren e Sarandës, qyteti i cili vlen të theksohet se përgjatë këtij sezoni veror është kthyer në një “zonë të nxehtë”, jo për shkak të temperaturave, por të ngjarjeve të dhunshme.

 Mbrëmjen e së enjtes, në shëtitoren e qytetit, disa të rinj janë përleshur me njëri-tjetrin, ku nuk kanë munguar as përdorimi i sendeve të forta si shkopinjtë e bejsbollit.

Lajmi është bërë me dije nga qytetarët e pranishëm në vendin e ngjarjes të cilët i kishin dërguar një video JOQ.

Siç shihet dhe në pamje të rinjtë dhunojnë brutalisht njërit-tjetrin dhe e gjithë ngjarja ka ndodhur para qindra turistëve të cilët janë tmerruar.

Deri më tani nuk dihet shkaku i cili mund të ketë çuar këta të rinj deri në përdorimin e dhunës, ndërkohë që lidhur me këtë ngjarje pritet një reagim zyrtar nga Policia.