Humb jetën 4-vjeçari në Vlorë, dyshohet se i bëri reaksion mjalti

Një ngjarje e rëndë është regjistruar në Vlorë, ku një fëmijë 4 vjeç ka humbur jetën në rrethana ende të paqarta.

I mituri është paraqitur në spitalin e Vlorës pa shenja jete. Nga këqyrja paraprake nuk janë konstatuar shenja dhune apo dëmtime të tjera. Sipas informacioneve paraprake, dyshohet se 4-vjeçari ka humbur jetën si pasojë e një reaksioni nga mjalti.

Vijojnë ekzaminimet e mëtejshme mjeko-ligjore për përcaktimin e shkakut të ndërrimit të jetës.