Motori “fluturon” mbi trotuar në Tiranë, plagosen dy kalimtaret

Një aksident i rëndë ka ndodhur në Tiranë.

Sipas uniformave blu një shofer 23-vjeçar ka humbur kontrollin e motomjetit dhe ka përplasur dy gra në trotuar.

Si pasojë e aksidentit një 63-vjeçarja ndodhet në gjendje të rëndë në spitalin e Traumës, nën kujdesin e mjekëve.

“E. K., 23 vjeç, banues në Tiranë, pasi ditën e djeshme, në rrugën “Ali Demi”, duke drejtuar motomjetin dyshohet se ka humbur kontrollin mbi drejtimin e tij dhe ka hipur mbi trotuar.

Si pasojë ka aksidentuar shtetaset F. Y., 63 vjeçe, dhe L. J, 39 vjeçe. 63-vjeçarja ndodhet në spitalin, nën kujdesin e mjekëve. Materialet i kaluan Prokurorisë”, njofton policia.