Fiderat e nënstacionit Farkë pësojnë defekt! Ja ZONAT në Tiranë që mbeten pa energji elektrike

Problemet teknike në fiderat e Nënstacionit Farkë kanë shkaktuar ndërprerje të energjisë elektrike në disa zona të Tiranës.

Grupet e OSSH janë duke punuar për riparimin sa më të shpejtë të linjave të dëmtuara (djegur).

Tre fiderat e parë janë vendosur herët në punë përmes skemës unazë, ndërsa për tre fiderat e tjerë jashtë pune janë angazhuar teknikët e avarive.

Aktualisht pa energji elektrike janë zonat pranë TEG – Mjull Bathore, Mullet, Daias dhe Rolling Hills.