Mot i nxehtë në të gjithë vendin, rriten sërish temperaturat

Moti në vendin tonë ditën e sotme sipas MeteoAlb, do “pushtohet” nga i nxehti afrikan. Ky mot do jetë në të gjithë Shqipërinë, përveç skajit verilindor dhe juglindor ku pas mesditës do ketë vranësira kalimtare.

Këto kushte atmosferike mbeten prezent deri mëngjesin pasardhës. Temperaturat e ajrit rriten sërish në mëngjes por edhe në mesditë duke luhatur vlerat ditore nga 20°C deri në 39°C. Era do fryjë mesatare me shpejtësi deri 40 km/h, nga drejtimi Jugor ndërsa në det të hapur krijohet dallgëzim mbi 3 ballë