Ministria e Infrastrukturës dhe Energjisë: Kalimi në Thumanë - Kashar do kushtojë më shumë se 2.1 euro

Ministria e Infrastrukturës dhe Energjisë pranon se kalimi i veturave ne rrugen Thumane-Kashar do te kushtoje me teper se cmimi i deklaruar deri tani prej 2.1 euro.

Ministria ne reagimin e saj flet per nje tarife prej 2.1 euro pa TVSH, nderkohe qe ky dikaster duhet ta dije se pagesa e TVSH-se eshte nje tregues i detyrueshem qe perfshihet ne cmim. 

Ministria njofton se sistemi i pagesës për aksin rrugor Thumanë – Kashar do të nisë zyrtarisht në ditët në vazhdim, por publiku do të njoftohet paraprakisht për datën dhe orarin e fillimit të pagesës.

Deri në nisjen e këtij procesi, kompania do të kryejë në segmente të ndryshme kohore, testime të kufizuara të sistemit të pagesës, për të kolauduar sistemin dhe aftësinë përpunuese të stafit.

Lidhur me orarin e këtyre testimeve publiku do të njoftohet 24 orë më përpara.

Pagesa për kalimin në këtë aks do të jetë 2.1 euro pa TVSH, ose ekuivalenca e saj në lekë sipas kursit zyrtar të këmbimit të Bankës së Shqipërisë, në datën e fillimit të operimit të sistemit të pagesës.

Ministria e Infrastrukturës dhe Energjisë kërkon mirëkuptimin e qytetarëve gjatë fazës së kolaudimit, pasi ky aks rrugor u hap përpara afatit për t’i dhënë frymëmarrje qarkullimit dhe për të lehtësuar trafikun në akset e veriut si dhe për të ndihmuar qytetarët që qarkullojnë në këto akse.