Mijëra paund në parakolpin e furgonit, dalin fotot e shoferit 21-vjeçar, çfarë deklaroi në polici

Olsi Sefolli 21-vjeç, banues në Hamalle u arrestua ditën e sotme nga policia pasi në furgonin e mallrave që ai drejtonte gjatë një kontrolli në portin e Durrësit u gjetën 123.460 paund dhe 280 sterlina.

Policia pikasi mjetin që ishte nisur nga Anglia duke e kaluar atë  në vijën e dytë për një kontroll më të imtësishëm. Sasia e parave ishte futur në disa pako dhe çanta të vogla dhe ishin fshehur në pjesën e parakolpit.

Nuk dihet ende destinacioni i parave, ndërsa shoqëria që ka në zotërim furgonin rezulton e regjistruar në Angli në emër të Guxim Sefollit.

Në cilësinë e provës materiale, policia ka sekuestruar edhe 1 laptop dhe 2 telefona celularë, ndërkohë që ndaj 21 vjeçarit rëndojnë akuzat për pastrim parash, mosdeklarim dhe kontrabandë.