Merr flakë shtëpia private në Tiranë, plagosen dy fëmijë

Një shtëpi është përfshirë nga flakët mëngjesin e kësaj të enjte në Allias të Tiranës.

Zjarri ka rënë në banesën e një shtetase e cila ndodhej bashkë me dy fëmijët e mitur. Për pasojë kanë mbetur të plagosur lehtë, me djegie të lehta në dorë, dy fëmijët e saj të mitur.

“Më datë 28.11.2024, rreth orëve të para të mëngjesit, në Allias, ka rënë zjarr në banesën e shtetases dhe si pasojë janë dëmtuar lehtë (me djegie të lehta në dorë), dy fëmijët e saj të mitur”, - thuhet në njoftimin e policisë.