Zjarr në një pallat 12 katësh në Lushnje pranë shëtitores, detajet e para

Një zjarr është shënuar mbrëmjen e sotme në një pallat 12-katësh në shëtitoren e palmave, një prej zonave më të populluara të qytetit të Lushnjes.

Dyshohet se shkak i zjarrit dyshohet të jetë bërë një përcjellës i kondicionerit, i cili ka marrë flakë.

Ndërhyrja e menjëhershme e forcave zjarrfikëse ka bërë të mundur izolimin e flakëve dhe shmangien e përhapjes së tyre në pjesë të tjera të godinës. Grupi hetimor i policisë së shtetit po punon për zbardhjen e plotë të shkaqeve të ngjarjes.

Situata është normalizuar brenda pak minutash, ndërsa specialistët e OSSHE pritet të ndërhyjnë për riparimin e dëmeve dhe rikthimin e energjisë elektrike në zonë.