“Çmendet” moti në vend, temperaturat do shkojnë 41 gradë, ja parashikimi për sot

Moti në vendin tonë ditën e sotme do të karakterizohet nga kthjellime dhe temperatura të larta. Sipas MeteoAlb, pasdite, në gjysmën lindore të vendit shfaqen vranësira kalimtare, ndërsa bregdeti vijon me kthjellime. Parashikohet qe moti i nxehtë të mbetet edhe gjatë natës.

Temperaturat e ajrit rriten sërisht në mëngjes por edhe në mesditë duke  luhatur vlerat ditore nga 18°C deri në 41°C. Era do fryjë mesatare  dhe e fortë me shpejtësi deri 40 km/h, nga drejtimi Veriperëndimor ndërsa në det të hapur krijohet dallgëzim mbi 3 ballë.