Mbi 20 persona përfundojnë në spitalin e Bulqizës, dyshohet se janë helmuar

Mbi 20 persona janë paraqitur sot në spitalin e Bulqizë për të marrë ndihmë mjekësore pasi kanë shfaqur shenja helmimi.

Sipas informacioneve të para, dyshohet se ata janë helmuar nga uji i pijshëm. Ndërsa qytetarët kanë nisur të marrin ndihmën e nevojshme, policia ka nisur hetimet për zbardhjen e shkaqeve.

“Komisariati i Policisë Bulqizë, ka marrë njoftim se disa shtetas banorë të bashkisë Bulqizë, ishin paraqitur në spital për ndihmë mjekësore me simptoma helmimi.

Me marrjen e njoftimit është ngritur grupi hetimor dhe nën drejtimin e Prokurorisë kanë nisur hetimet për zbardhjen e rrethanave dhe përcaktimin e shkakut të helmimit”, thuhet në njoftimin paraprak të policisë./tch