Masat anti-COVID, BE penalizon tri shtete të Ballkanit, i fut në listën e zezë

BE ka perditesuar listen e vendeve te pasigurta nga COVID-19. 

Vendimi i Këshillit te ministrave të Bashkimit Evropian qe përditësoi listën e vendeve, rajoneve të veçanta administrative dhe autoriteteve territoriale për të cilat kufizimet e përkohshme të udhëtimeve jo thelbësore drejt BE-së duhet të hiqen, eshte marre diten e sotme.

Në veçanti, Izraeli, Kosova, Libani, Mali i Zi, Republika e Maqedonisë së Veriut dhe Shtetet e Bashkuara të Amerikës u hoqën nga lista.

Sipas vendimit, udhëtimet jo thelbësore në BE nga vendet ose entitetet që nuk janë të listuara në listën e rishikuar i nënshtrohen një kufizimi të përkohshëm të udhëtimit.

Kjo nuk pengon mundësinë që shtetet anëtare të heqin kufizimin e përkohshëm të udhëtimeve jo thelbësore në BE për udhëtarët plotësisht të vaksinuar.

Siç përcaktohet në rekomandimin e Këshillit, kjo listë do të vazhdojë të rishikohet rregullisht dhe, sipas rastit, të përditësohet, citon tv abc.