Lufta anti- Covid, mbërrijnë në Shqipëri 340,000 doza të vaksinës Coronavac (Foto)

Ministrja e Shëndetësisë, Ogerta Manastirliu ka bërë me dije mëngjesin e sotëm se kanë mbërritur në Shqipëri 340,000 doza të vaksinës Coronavac. Lajmin Manastirliu e bëri përmes një postimi në Facebook.

“Lajm i mirë

340,000 doza të vaksinës Coronavac sapo kanë mbërritur në Aeroportin “Nënë Tereza”, sasia më e madhe e mbërritur njëherësh në Shqipëri, që e çon në 1,578,790 numrin e vaksinave të mbërritura deri tani

Do të intensifikojmë vaksinimin anticovid, me ditët e hapura të vaksinimit masiv, vaksinimin derë më derë dhe uljen e fashës së vaksinimit, duke u dhënë mundësi sa më shumë qytetarëve të vaksinohen dhe të mbrohen nga #Covid19”, shkruan Manastirliu.