E rëndë në Tiranë, taksia përplas tre të mitur me monopatinë në mes të Bulevardit "Dëshmorët e Kombit"

Një aksident i rëndë është regjistruar disa minuta më parë në qendër të kryeqytetit pranë sheshit “Skënderbej”.

Një taksi ka përplasur tre fëmijë të cilët po lëviznin me monopatinë. Nga informacionet e para mësohet se tre të miturit janë dërguar me urgjencë në spital për trajtim ndërsa nuk dihet ende gjendja shëndetësore e tyre.

Policia ka mbërritur në vendngjarje dhe ka nisur hetimet për të zbardhur shkaqet dhe rrethanat e aksidentit.

Tiranë/Informacion paraprak

Rreth orës 10:30, në bulevardin “Dëshmorët e Kombit”, shtetasi E. K., rreth 41 vjeç, ka përplasur me automjetin që drejtonte, 2 monopatina me të cilat lëviznin 3 të mitur.

Si pasojë janë demtuar 3 të miturit, të cilët janë transportuar në spital, ku janë në kujdesin e mjekëve.

Shtetasi E. K. është shoqëruar në Komisariat, me qëllim kryerjen e veprimeve të mëtejshme procedurale.

Ndërkaq, një grup i posaçëm hetimor po punon në vendngjarje për të sqaruar rrethanat e aksidentit.