Kushtetuesja lë në fuqi sekuestrimin e pasurive të Redi Mollës, i jep të drejtë SPAK

Gjykata Kushtetuese ka rrëzuar kërkesën e Redi Mollës dhe ka lënë në fuqi vendimin e SPAK për sekuestrimin e pasurive të tij, në kuadër të hetimeve të dosjes “5D”.

Ish-drejtori i Bashkisë së Tiranës kishte kërkuar shfuqizimin e masës së sekuestrimit, por Kushtetuesja vendosi të mos e pranojë kërkesën, duke i dhënë të drejtë Prokurorisë së Posaçme.

Redi Molla dhe ish-drejtori tjetër Mariglen Qato u arrestuan në mars 2024 nga SPAK, në kuadër të hetimeve për çështjen “5D”. Sipas akuzave, ata dyshohet se janë pronarë faktikë të kompanisë “5D”, e cila ka përfituar disa tendera nga Bashkia e Tiranës.