Kultivuan bimë narkotike, arrestohen babë e bir në Vorë! Nën hetim penal kryeplaku i zonës dhe inspektori i pyjeve

TIRANË-Babë e bir janë arrestuar nga policia e Tiranës pasi dyshohet se kanë kultivuar bimë narkotike.

Policia bën me dije se janë prangosur shtetasit E. M., 32 vjeç dhe H. M., (babë e bir), pasi në vendin e quajtur “Gurët e zinj” në Vorë, në tokën e tyre kanë kultivuar fidanë të dyshuar cannabis sativa.

Gjithashtu, u proceduan në gjendje të lirë shtetasit B. K., 33 vjeç, me detyrë inspektori i pyjeve dhe A. G., 51 vjeç, ( kryeplaku i fshatit) të dy për veprën penale “Shpërdorimi i detyrës”.

'Në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, shërbimet e Komisariatit të Policisë Vorë, si rezultat i kontrollit në territor kanë evidentuar dhe goditur një rast të tentativës për kultivim të kanabisit në vendin e quajtur “Gurët e zinj” Vorë. Në vijim të veprimeve, specialistët për Hetimin e Krimeve në Komisariatin e Policisë Vorë, arrestuan në flagrancë shtetasit E. M., 32 vjeç dhe H. M., (babë e bir) pasi gjatë kontrollit të ushtruar në tokën e tyre, shërbimet e Policisë kanë gjetur të kultivuar fidanë të dyshuar cannabis sativa. Gjithashtu, u proceduan në gjendje të lirë shtetasit B. K., 33 vjeç, me detyrë inspektori i pyjeve dhe A. G., 51 vjeç, ( kryeplaku i fshatit) të dy për veprën penale “Shpërdorimi i detyrës”.'- njofton policia.