Kukës/ Gjendet një trup i pajetë në zonën e Urës së Drinit të Zi, policia heton shkaqet

Një trup i pajetë është gjetur pasditen e sotme pranë Urës së Drinit të Zi, në Kukës. Sipas njoftimit zyrtar nga Policia, rreth orës 16:00, Salla Operative e DVP Kukës ka marrë njoftimin për trupin e një shtetasi të gjinisë mashkullore, ende të paidentifikuar.

Nga këqyrja paraprake e kufomës nuk janë konstatuar shenja dhune, çka përjashton për momentin një skenar kriminal. Trupi është dërguar për ekzaminime të mëtejshme mjeko-ligjore.

Ndërkohë, grupi hetimor ka nisur punën për identifikimin e viktimës dhe për të zbardhur plotësisht rrethanat në të cilat ka ndodhur ngjarja. Policia nuk përjashton asnjë pistë për momentin, ndërsa pritet që hetimet të hedhin dritë mbi shkakun e vdekjes.