"Mediat të tregojnë vetëpërmbajtje"/ Rama lidhur me tragjedinë e Durrësit: Dinjiteti njerëzor mbi klikimet

"Ndërsa e gjithë vendi është në zi për këtë ngjarje dhe drejtësia po bën punën e saj me autorin, është detyrë e të gjithëve, por sidomos e mediave dhe portaleve, të tregojnë përmbajtje, ndjeshmëri dhe përgjegjshmëri.

Publikimi ose shpërndarja e imazheve grafike nuk informon, por vetëm shton dhimbjen e atyre që po përballen me një humbje të pa riparueshme dhe e kthen botën e informacionit në një spektakël.

Respekti për dinjitetin njerëzor dhe dhimbjen e atyre që preken drejtpërdrejt duhet të jetë mbi çdo sensacionalizëm apo klik. Le të tregojmë solidaritet, humanizëm dhe mëshirë në një ditë kaq tragjike si kjo."