Krijoi llogari false në rrjetet sociale për denigrimin e imazhit të ish të dashurës së tij, arrestohet 40-vjeçari

Një 40-vjeçar është arrestuar nga policia në Tiranë.

Ky shtetas dyshohet se për një periudhë 7-mujore ka krijuar profile në rrjetet sociale, me gjeneralitetet e ish të dashurës së tij, në të cilat publikonte foto me përmbajtje të ndryshme, për denigrimin e imazhit të saj.

Kallëzimi në polici, u bë nga ish e dashura e 40-vjeçarit, pasi në rrjete sociale krijoheshin llogari të ndyshme me emrin dhe me fotot e saj.

40-vjeçari akuzohet për veprat penale “Falsifikimi kompjuterik” dhe “Ndërhyrja në të dhënat kompjuterike”.