Konflikti për pagat, magjistratët e GJKKO marrin rrogat me rritje

Dega e Thesarit ka filluar ekzekutimin e pagave me vlerën e rritur për magjistratët e GJKKO-së.

Disa ditë pas vendimit për sigurimin e padisë në Gjykatën Administrative, magjistratët e Gjykatës së Posaçme Kundër Korrupsionit dhe Krimit të Organizuar (GJKKO), kanë arritur të marrin sot pagat, përfshirë edhe vlerat e rritura.

Pagat janë kaluar me masën e re të përcaktuar, ndërsa zhbllokimi i fondeve erdhi si pasojë e një vendimi të detyrueshëm të Gjykatës Administrative, e cila më 11 shtator 2026 pranoi kërkesën për sigurimin e padisë të depozituar nga Gjykata e Posaçme.