Konfirmohet “Murtaja Afrikane e Derrave” në Lezhë, Ministra e Bujqësisë merr masat

Është konfirmuar në Shqipëri “Murtaja Afrikane e Derrave”. Lajmin e ka bëërë me dije Ministria e Bujqësisë.

Në njoftim bëhet me dije se në datën 25 Dhjetor 2024, nga veterineri zyrtar i shërbimit për Njësinë Administrative Shëngjin, është konstatuar se në fshatin Ishull – Lezhë tek fermeri Vitor Zef me 71 krerë derra ka patur ngordhje në 8 krerë. Në datën 26 Dhjetor 2024 është konstatuar ngordhjen edhe të 7 krerëve të tjerë.

Menjëherë është kryer groposoja e kafshëve të ngordhura, disinfektimi i mjedisit, si dhe janë marrë kampione zyrtare (karkasë dhe organe), të cilat u dërguan në ISUV me fletë shoqërimi për dyshim të sëmundjes së Murtajës Afrikane të Derrave, sipas protokollit të përcaktuar.

Ferma e cila është vënë menjëherë në mbikqyrje veterinare ka qënë në zonën e survejancës 10 km me vatrën në malin e Rrencit. Është kontrolluar 3-herë gjatë periudhës se karantinës në datat 27.11.2024 dhe në datat 02.12.2024 dhe 09.12.2024, nga ku është konstatuar gjendje e mirë shëndetësore e kafshëve në fermë.

Si masë paraprake është marrë edhe ndalimi i shitjes dhe tregtimit të derrave të gjallë në mjediset e hapura dhe tregjet e kafshëve të gjalla, në territorin e Bashkinë Lezhë.