Kishte shkuar të peshkonte në liqenin e Prespës, gjendet i vdekur 45-vjeçari në Korçë

Një 45-vjeçar është gjetur i vdekur në orët e para të mëngjesit të sotëm. Sipas policisë së Korçës, viktima, 45-vjeç ka qenë duke peshkuar në liqenin e Prespes dhe si pasojë e dallgëve, varka është përmbysur duke gjetur vdekjen.

“Korçë/Informacion paraprak. Më datë 05.09.2021, në orët e para të mëngjesit, jemi njoftuar se në liqenin e Prespës, shtetasit S. V., 45 vjeç, i cili kishte dalë gjatë mbrëmjes për të peshkuar, si pasojë e dallgëve të forta të liqenit, i është përmbysur varka dhe dyshohet se mund të jetë mbytur.

Është bërë njoftimi dhe pritet ardhja e polumbarëve, për të kryer kërkimet e nevojshme. Shërbimet e Policisë Kufitare dhe grupi hetimor ndodhen në vendngjarje ku po punohet për sqarimin e plotë të rrethanave të ngjarjes”, njofton policia.