Keqtrajtoi një të mitur në banesë, arrestohet në Sarandë 46-vjeçarja me origjinë nga Filipinet

Policia e Sarandës ka arrestuar një 46-vjeçare me origjinë nga Filipinet, e cila dyshohet se ka keqtrajtuar një të mitur gjatë kohës që punonte si pastruese në një banesë e saj.

Sipas njoftimit të policisë, në pranga ka përfunduar shtetasja Lorly Caporal, pas kallëzimit të bërë nga shtetasi A. D., babai i të miturit.

Specialistët për Hetimin e Krimeve në Komisariatin e Policisë Sarandë arrestuan në flagrancë shtetasen filipineze L. C., 46 vjeçe, pasi ndaj saj ka bërë kallëzim shtetasi A. D., se kjo shtetase, gjatë kohës që ishte e punësuar si pastruese në banesën e tij, i ka keqtrajtuar djalin e tij të mitur, njofton policia.

Materialet iu referuan Prokurorisë për veprime të mëtejshme.