Kanabis në mes të pyllit, dy të arrestuar në Fier

Dy persona janë arrestuar në flagrancë nga policia e Fierit pasi u kapën duke kultivuar kanabis në një zonë të pyllëzuar.

Në kuadër të operacionit “Peshtani” u bë arrestimi i shtetasve T. Q., 57 vjeç, dhe L. R., 35 vjeç, të dy banues në fshatin Peshtan, pasi në bashkëpunim me njëri-tjetrin, dyshohet se kanë kultivuar bimët narkotike në tokën pronësi të shtetasit T. Q.

Gjithashtu, gjatë kontrollit në banesën e shtetasit T. Q., shërbimet e Policisë gjetën 1 armë gjahu që ai e posedonte pa leje, e cila u sekuestrua në cilësinë e provës materiale, bashkë me 6 celularë.