Kanabis me kubikë në pyllin e Semanit, arrestohet 52-vjeçari

Një 52-vjeçar me iniciale A.M është arrestuar nga policia pasi akuzohet se një prej autorëve të kultivimit të kanabisit në kubikë në pyllin e Semanit të konstatuar në muajin maj.

“Specialistët për Hetimin e Krimeve në Komisariatin e Policisë Fier, në vijim të punës për kapjen e personave të shpallur në kërkim dhe vënien e tyre para përgjegjësisë penale, ndaluan shtetasin A. M., 52 vjeç, banues në Fier.

Ndalimi i këtij shtetasi u bë pasi Gjykata e Apelit Vlorë i ka vendosur masën e sigurisë “Arrest në burg“ për veprën penale “Kultivim i bimëve narkotike“ kryer në bashkëpunim.

Ky shtetas është njëri prej autorëve të kultivimit të fidanëve narkotikë cannabis sativa në kubikë, të cilët u konstatuan në pyllin e Semanit, gjatë operacionit të datës 19 maj 2021”, njofton policia.