Kallashnikov dhe fishekë luftarak në banesë, policia arreston 21-vjeçarin nga Kuçova

Në një kohë kur puna për kapjen e personave që mbajnë armë zjarri është intensifikuar, një 21-vjeçar ka rënë në pranga nga Policia e Kuçovës.

Si pasojë e informacioneve të marra, policia ka ushtruar kontroll të përgjithshëm në shtëpinë e Alket Hima, në fshatin Tapi, Kuçovë, ku u gjetën dhe u sekuestruan në cilësinë e provës materiale një armë zjarri kallashnikov dhe 1430 fishekë luftarak model 56.

Në përfundim të veprimeve të para hetimore, specialistët për Hetimin e Krimit në Komisariatin e Policisë Kuçovë arrestuan në flagrancë 21-vjeçarin, për veprën penale "Armëmbajtja pa leje" dhe materialet i kaluan Prokurorisë së Rrethit Gjyqësor Berat, për veprime të mëtejshme.