Iu sekuestrua ne zyrë, Gjykata e Posaçme nuk i kthen telefonin Erion Veliajt!

Gjykata e Posaçme ka refuzuar sërish një kërkesë të kryebashkiakut Erion Veliaj.  Gjyqtari Erion Bani, i njëjti që miratoi arrestin ndaj tij, nuk pranoi t’i kthente Veliajt një celuladin e sekuestruar nga SPAK, i cili iu mor nga agjentët e BKH-së ditën që i shkuan në zyrë.

Në seancën ku Veliaj nuk ishte i pranishëm avokati i kryebashkiakiut pretendoi se sekuestrimi i telefonit ishte i paligjshëm. Kjo pasi bllokimi i celularit ishte bërë pa arsye të ligjshme nga agjentët e BKH, pa një vendim gjykatë dhe se vendimi i prokurorëve të SPAK për konfirmimin e sekuestros duhet të rrëzohej.

Kujtojmë se Veliaj po hetohet nga SPAK për korrupsion dhe pastrim parash.