Ishin shokë, zbardhet dinamika e plagosjes në Tiranë, nuk flisnin prej 3 muajsh. Sapo Mariglen Jata u fut në rrugicë…

Policia e Tiranës ka identifikuar dhe shpallur në kërkim autorin e plagosjes së 40-vjeçarit që ndodhi mbrëmjen e djeshme në zonën e Institutit.

I plagosuri Mariglen Jata dhe autori Fatmir Frroku ishin shokë.

Megjithatë prej tre muajsh ata nuk flisnin me njëri tjetrin. Mbrëmjen e së dielës i plagosuri sapo është futur në rrugicë, aty i ka dalë para autori ku e ka qëlluar me pistoletë.

Menjëherë pas kësaj, autori është arratisur.

Pritet që oficerët e policisë të marrin në pyetje të plagosurin në Spitalin e Traumës për motivet dhe përplasjet që kishte me autorin.