Intervistoi zëdhënësin e talebanëve, gazetarja afgane strehohet në Shqipëri

Behishta Arghand ditën kur ra Kabuli, ishte e para gazetare femër e cila në studion intervistoi njërin prej përfaqësuesve të Talibanëve.

Kjo intervistë e prezantueses së Tolo TV, bëri shumë bujë, pasi asnjëherë Talibanët nuk pranonin të intervistoheshin nga një femër. Burime bëjnë me dije se Behishta Arghand ka mbërritur në Shqipëri pasditen e së premtes.

Deri në momentin e procesimit të vizës amerikane gazetarja Arghard do të qëndroj në Tiranë. Në një intervistë për mediat gjermane nga Katari ajo tha e u largua për motive sigurie.

“Më pak se 100 gra e vajza nga 700 gazetare femra në Afganistan vijojnë të punojnë në media por dalë ngadalë çdo ditë po zhduken nga ekranet e televizioneve” deklaroi Arghard.