Intensifikohen hetimet për krimet zgjedhore, SPAK dhe BKH "zbarkojnë" sërish në Elbasan

Struktura e Posaçme Kundër Korrupsionit dhe Krimit të Organizuar (SPAK) në bashkëpunim me Byronë Kombëtare të Hetimit (BKH) vijojnë punën intensive me hetimet për krimet zgjedhore në Qarkun e Elbasanit, që konsiderohet si një ndër zonat më të ndjeshme dhe problematike gjatë proceseve elektorale të fundit.

Mësohet se një delegacion i përfaqësuesve të lartë të SPAK dhe BKH zhvilloi një takim të rëndësishëm pune me drejtuesin e Prokurorisë së Rrethit Gjyqësor Elbasan, z. Kreshnik Ajazi, në lidhje me shqyrtimin dhe analizimin e praktikave hetimore që po ndiqen për identifikimin dhe ndëshkimin e autorëve të përfshirë në manipulime zgjedhore.

Ndërkohë, sa i përket hetimeve, bëhet me dije se po se po përqendrohen si në fazën parazgjedhore, ashtu edhe në ditën e votimit, për të mbledhur prova, dëshmi apo materiale që dokumentojnë raste shit-blerje vote apo kërcënim ndaj votuesvee, etj. 

SPAK ka paralajmëruar se do të ndiqet penalisht çdo individ apo grup që ka tentuar të cenojë votën apo procesin demokratik të zgjedhjeve.