Identifikohet 41-vjeçari që u gjet pa shenja jete në Vlorë! Ja çfarë dyshohet!

Policia e Vlorës ka identifikuar personin që u gjet i pajetë në afërsi të shkollës Industriale. Mësohet se 41-vjeçari me iniciale A.C., ka humbur jetën mesditën e sotme si dhe është gjetur nga kalimtarët në një lulishte. 

"Vlorë/Informacion paraprak

Rreth orës 17:50, në lulishten brenda ambientit të shkollës Industriale, është gjetur pa shenja jete shtetasi A. C. (D.), 41 vjeç, banues në lagjen Pavarësia, Vlorë, i cili dyshohet se vuante nga probleme shëndetësore. Nga këqyrja paraprake, në trupin e tij nuk janë konstatuar shenja dhune.

Grupi hetimor vijon punën për zbardhjen e plotë të shkaqeve të vdekjes", njofton policia.