Atentati ndaj prokurorit Arjan Ndoji, familja e të ndjerit Andi Maloku padit në GJKKO Rrajën e Halilajn

Familja e Andi Malokut ka paditur në Gjykatën e Posaçme kundër Krimit dhe Korrupsionit Redjan Rrajën dhe Arjol Halilajn, dy të arrestuarit për atentatin ndaj prokurorit Arjan Ndoji, ku mbeti i vrarë pikërisht Maloku.

Familja e Malokut kërkon dëmshpërblim për humbjen e jetës së djalit, në atentatin e bërë më 1 nëntor të vitit 2019, te mbikalimi i Shkozetit.

Shuma e dëmshpërblimit do të përcaktohet gjatë gjykimit. Seanca e sotme ndaj Rrajës dhe Halilajt është shtyrë, për shkak të mungesës së të pandehurit Rraja.