Sulmi ndaj ambasadës shqiptare në Kiev, ministri Hasani thërret ambasadorin rus në zyrë

Ministri i Jashtëm, Igli Hasani, ka thirrur në ministri ambasadorin rus për t’i shprehur pakënaqësitë e qeverisë shqiptare për ngjarjen e ndodhur në Kiev mëngjesin e sotëm.

Bombardimet ruse goditën një ndërtesë në Kiev, ku ndodheshin disa ambasada, përfshirë edhe ambasadën shqiptare.

Më herët, Ministria e Jashtme e Shqipërisë dënoi ashpër sulmet e realizuara në Kiev, duke i cilësuar ato si një akt të papranueshëm që dëmton themelet e diplomacisë ndërkombëtare. Nëpërmjet një deklarate, Ministria theksoi rëndësinë e mbrojtjes së personelit diplomatik dhe paprekshmërisë së misioneve diplomatike, duke kërkuar nga të gjitha palët respektimin e këtyre parimeve të panegociueshme.