I moshuari tenton të vetëflijohet duke u hedhur nga pallati, shpëtohet nga policia
Një 68-vjeçar me iniciale Q.Z, hipi mbi çatinë e një pallati duke tentuar të vrasë veten. Por fatmirësisht ndërhyrja e shpejtë e policisë bëri që ai të shpëtojë.
Tiranë/Ndërhyrja e menjëhershme e Policisë parandalon një ngjarje në rrugën “Niko Avrami”. Shërbimet e Komisariatit të Policisë Nr. 4, pas marrjes së njoftimit, ndërhynë menjëherë për të ndihmuar një 68-vjeçar që kishte hipur në tarracën e një objekti 4-katësh dhe kërcënonte se do të hidhej nga aty.
Pas ndërhyrjes së shërbimeve të Policisë, shtetasi Q. Z., i cili dyshohet se ishte në efektin e alkoolit, u zbrit nga tarraca dhe u dërgua në spital, për ndihmë mjekësore. Paraprakisht dyshohet se motivi i rastit është konflikti që ka ky shtetas me familjarët e tij, për ndarjen e pasurisë, çështje e cila është trajtuar më herët nga Policia dhe është referuar në Prokurori.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Veprimet hetimore vijojnë për sqarimin e plotë të rrethanave të rastit.