“U gjetën 3 pistoleta dhe 2 kallashnikov”, policia zbardh detaje të reja për atentatin në Shkodër

Pas masakrës në Shkodër, policia po ushtron kontrolle në zonën e Bajrajve. 

Policia e Shkodrës ka gjetur një automjet Land Rover, të djegur në zonën e Grudës së Re. Brenda saj janë gjetur 2 automatikë, të cilët dyshohet se janë përdorur nga autorët në atentatin e kësaj të mërkure.

Makina u gjet e djegur 10 minuta pas ngjarjes, ndërsa brenda saj policia zbuloi armë zjarri.

"Shkodër/Informacion shtesë

Në vijim të informacionit të dhënë më parë për ngjarjen e ndodhur në aksin rrugor “Shkodër-Koplik”, në Dobraç, ju informojmë se:

Nga kontrolli i ushtruar në automjetin që udhëtonin shtetasit H. L., dhe A. B., u gjetën 3 armë zjarri (pistoleta).

Ndërkohë shërbimet e Policisë gjatë kontrollit të zonës për kapjen e autorëve, në fshatin Golem kanë konstatuar të djegur plotësisht një automjet tip “Range Rover” dhe 2 armë zjarri automatike.

Grupi i posaçëm hetimor në drejtimin e Prokurorisë së Shkodrës, po vijon punën për zbardhjen e rrethanave, sigurimin e provave me qëllim dokumentimin ligjor të ngjarjes, identifikimin dhe kapjen e autorëve."

Atentati me dy viktima në Shkodër, policia gjen 3 armë dhe dhjetëra gëzhoja në “Benz”-in me targa kroate

Mjeti tip benz me targa kroatë që lëviztë Hamza Lici dhe Arlind Bushati i është nënshtruar një kontrolli ka ana e policisë se shtetit.

Burime bëjnë me dije se gjatë këqyrjes janë gjetur 3 armë zjarri.

Këto armë janë dërguar në laboratori  e policisë shkencorë për t'u përcaktuar nëse janë përdorur në ngjarje kriminale.

Po ashtu, policia po punon për të përftuar element të gjurmë të gishtave. Në vendin e ngjarjes janë gjetur një sasi e konsiderueshme gëzhojash për të cilën policia do të rikthehet sërish në vendin e ngjarjes për të siguruar prova të tjera.