I akuzuar për armëmbajtje pa leje dhe prodhim e shitje droge, vihet në pranga 27-vjeçari

Policia e Fierit ka arrestuar një 27-vjeçar, ndaj të cilit i është caktuar masa e sigurisë “Arrest në burg”, për veprat penale “Prodhimi dhe shitja e narkotikëve” dhe “Mbajtja pa leje dhe prodhimi i armëve, armëve shpërthyese dhe i municionit”.

Gjithashtu, Policia Rrugore e DVP Fier referoi materialet në Prokurori ku nisi procedimi në gjendje të lirë për një shtetas 17 vjeç, pasi u konstatua duke drejtuar automjetin, pa leje drejtimi.

Njoftimi i policisë:

Drejtoria Vendore e Policisë Fier

Sektori për Hetimin e Narkotikëve ekzekutoi vendimin e Gjykatës së Apelit të Juridiksionit të Përgjithshëm Tiranë, e cila i ka caktuar shtetasit E. H., 27 vjeç, banues në Fier, masën e sigurisë “Arrest në burg”, për veprat penale “Prodhimi dhe shitja e narkotikëve” dhe “Mbajtja pa leje dhe prodhimi i armëve, armëve shpërthyese dhe i municionit”.

Policia Rrugore e DVP Fier referoi materialet në Prokurori ku nisi procedimi në gjendje të lirë për një shtetas 17 vjeç, pasi u konstatua duke drejtuar automjetin, pa leje drejtimi.

Materialet procedurale i kaluan Prokurorisë, për veprime të mëtejshme.