Hyri ilegalisht dhe u përfshi në shpërndarjen e kokainës, në pranga 32-vjeçari shqiptar në Itali

Një 32-vjeçar ka rënë në pranga nga policia italiane, pasi akuzohet se kishte hyrë ilegalisht në vend dhe ishte përfshirë në rrjetin e shpërndarësve të lëndëve narkotike në Macerata.

Gjatë kontrollit të ushtruar nga patrullat në “Piazza Nazario Sauro”, i riu u përpoq të fshinte dy mbështjellës që përmbanin kokainë me peshë mbi 20 gramë.

Gjithashtu iu gjetën telefonat dhe 1700 euro cash, që u sekuestruan si provë materiale dhe besohet se janë të ardhura nga aktiviteti kriminal.

Sipas medieve të huaja, pas arrestimit, gjykata i ka caktuar masën e arrestit shtëpiak 32-vjeçarit, në pritje të procesit të mëtejshëm. Masa e sigurisë u dha ditën e sotme (11 Dhjetor).