Goditet një rast i shpërndarjes së narkotikëve në Elbasan, arrestohet një 23 vjeçar

Është goditur një rast i shpërndarjes së lëndëve narkotike në doza të vogël në Elbasan, aty ku është arrestuar një 23 vjeçar dhe është shpallur në kërkim bashkëpunëtori i tij.

Bëhet fjalë për 23 vjeçarin me inicialet E.M., banues në fshatin Gjonme, Elbasan. ndërkohë i shpalluri në kërkim është shtetasi me inicialet D.B., 28 vjeç, banues në fshatin Valas, Elbasan.

Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.

Njoftimi:

Elbasan

Goditet një tjetër rast i shpërndarjes së lëndëve narkotike në doza të vogla.

Vihet në pranga 1 shtetas, shpallet në kërkim bashkëpunëtori i tij.

Në vijim të punës për evidentimin dhe goditjen e veprimtarisë kriminale të shpërndarjes së lëndëve narkotike në doza të vogla, specialistët për Hetimin e Narkotikëve dhe Trafiqeve të Paligjshme në Drejtorinë Vendore të Policisë Elbasan arrestuan në flagrancë shtetasin:

E. M., 23 vjeç, banues në fshatin Gjonme, Elbasan.

Gjithashtu është shpallur në kërkim bashkëpunëtori i tij, shtetasi D. B., 28 vjeç, banues në fshatin Valas, Elbasan.

Këta shtetas janë konstatuar nga shërbimet e Policisë, në pyllin e fshatit Tregan, duke qarkulluar më një motoçikletë pa targë, që drejtohet pa leje drejtimi nga shtetasi E. M. Gjatë kontrollit fizik, shtetasit E. M. iu gjetën dhe sekuestruan në cilësinë e provës materiale 18 doza me lëndë narkotike cannabis sativa.

Gjithashtu, gjatë kontrollit në banesën e shtetasit D. B. u gjet një sasi municioni luftarak. Vijon puna për lokalizimin dhe kapjen e këtij shtetasi.

Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.