Gjetja e trupave të nënës dhe 3 fëmijëve në Bunë, Peleshi: Tragjedi që tr*nditi gjithë shoqërinë!

Pas gjetjes së trupave të nënës Alma Arrazi dhe 3 fëmijëve në lumin Buna, ministri i Mbrojtjes, Niko Peleshi ka ndarë detaje nga operacioni ku u angazhuan dhe Forcat e Armatosura.

“Pas përpjekjeve të pandërprera triditore është bërë e mundur gjetja e të katër trupave, të mbytur në lumin Buna, nënës dhe 3 fëmijëve.

Nën drejtimin e Agjencisë Kombëtare të Mbrojtjes Civile, u angazhuan 96 forca operacionale dhe 13 mjete nga strukturat vendore dhe qendrore, përfshirë Forcat e Armatosura, Forcat Renea, Njësinë e Sigurisë Publike, DVP Shkodër, dhe DRKM, si dhe banorë të njësisë administrative Dajç.

Një ngjarje tragjike, që tronditi gjithë shoqërinë. Ngushëllimet më të ndjera familjarëve në këtë moment të dhimbshëm!”