Fshihte në banesë 1 kallashnikov me 3 krehra dhe fishekë, pranga 48-vjeçari në Tiranë

Policia e Tiranës ka vënë në pranga një 48-vjeçar pasi u konstatua se fshihte në banesën e tij 1 kallashnikov me 3 krehra dhe fishekë. Në kuadër të operacionit të koduar “Sinjalizimi”, në pranga ka rënë Sh. L., 48 vjeç.

Në kuadër të këtij operacioni u sekuestruan, në cilësinë e provës materiale, arma dhe municioni.

“Si rezultat i administrimit të menjëhershëm të një informacioni të siguruar në rrugë operative, se një shtetas mbante pa leje, në banesën e tij, në fshatin Pezë Helmes, armë zjarri, shërbimet e Komisariatit të Nr. 6 finalizuan operacionin e koduar “Sinjalizimi”, gjatë të cilit u kap në flagrancë dhe u vu në pranga shtetasi Sh. L., 48 vjeç. Nga kontrolli i kryer në banesën e tij, u gjetën 1 armë zjarri kallashnikov, 3 krehra dhe municion luftarak, të cilat u sekuestruan me cilësinë e provës materiale.

Materialet procedurale iu referuan Prokurorisë së Tiranës, për veprime të mëtejshme”, thuhet në njoftimin e policisë.