FOTO+VIDEO/ Tre adoleshente dh*nojnë dhe filmojnë bashkëmoshataren e tyre në Fier

Një ngjarje e rëndë është shënuar në Fier, ku tre vajza adoleshente kanë dhunuar një bashkëmoshatare, në një banesë.

Pamjet, të filmuara nga njëra prej tyre, tregojnë të miturën duke u goditur me shuplaka dhe grushte, ndërsa vajza që filmon dëgjohet edhe duke i nxitur të vazhdojnë.

Në një moment, ajo tërhiqet zvarrë prej flokësh, ndërsa më pas dy vajzat e kapin njëkohësisht dhe e dhunojnë me shqelma.

Deri më tani nuk janë bërë të ditura rrethanat që çuan në këtë konflikt, ndërsa identiteti i të miturave nuk është publikuar.

Ngjarja është denoncuar në Policinë e Fierit, teksa kjo e fundit a nisur veprimet për identifikimin e të përfshirave dhe sqarimin e plotë të rrethanave të rastit.