FOTO /Ra nga çatia e magazinës në Itali, ky është shqiptari Andi Rexhepi që humbi jetën

Andi Rexhepi, 43-vjeçari shqiptar që humbi jetën mëngjesin e djeshëm në Carpenedolo në një aksident në punë ishte i njohur edhe në Vallecamonica, Itali.

Shqiptari jetonte prej disa vitesh në Piamborno, dhe aty kishte ndërtuar familjen ku jetonte me bashkëshorten dhe vajzën 16-vjeçare.

Mëngjesin e djeshëm, ai po riparonte çatinë e magazinës së një kompanie të jashtme nga Bienno, të dëmtuar nga stuhia e breshërit të verës së kaluar dhe po vendoste disa panele termike.

Por në një moment Andi, ra nga tetë metra lartësi, duke gjetur menjëherë vdekjen. Ndërhyrja e kolegëve dhe ekipeve të emergjencës ishte e kotë.

Andi Rexhepi lë me dhimbje partneren Vanessa dhe vajzën e tij Amneris, nënën dhe motrat, kunatin dhe miqtë që e donin dhe respektonin shumë. Pas pritje së vizitave në Itali, trupi i tij do niset për t'u varrosur në Shqipëri.