Emri/ Mbajti peng biznesmenin nga Tirana dhe e dhunoi, RENEA arreston "të fortin" në Peqin

Operacioni i forcave RENEA, arrestohet ne Peqin, Seit Manahasa. Ai akuzohet se ka keqtrajtuar një person.

Arrestimi i Seit Manahasës ka ndodhur pasi akuzohet se ka marrë peng për disa orë dhe keqtrajtuar një person nga Tirana. Manahasa ka shkuar në biznesit  e personit në aksin Elbasan-Peqin, identiteti i të cilit nuk bëhet i ditur, dhe e ka dhunuar dhe mbajtur peng për disa orë. Pas lirimit, personi ka shkuar dhe ka bërë denoncimin në polici, e cila u vu në veprim dhe e arrestoi sot në Peqin.

 Manahasa nuk është një emër i panjohur për policinë, pasi ai ka qenë i akuzuar për vrasjen e Emiljano Ramazanit.

Në 11 gusht të vitit 2020 policia gjeti në servisin e Manahasës armën e vrasjes së Ramazanit dhe arrestoi bab e bir, Albert dhe Seit Manahasën, por më pas u lanë të lirë.