EMRI/ Kapet me drogë në Skoci ish-polici nga Saranda, çfarë dëshmoi para hetuesve

Një ish-efektiv policie nga Saranda është dënuar me burg në Skoci pasi akuzohet për kultivim narkotikësh.

Bëhet fjalë për shtetasin Igli Duka, 24 vjeç, i cili është kapur nga autoritetet në një ish-ndërtesë garazhi në Houston Industrial Estate, në Livingston, teksa kujdesej për dhjetëra bimë kanabisi, shkruan BBC.

Avokati i tij, Andy Aitken, pretendoi se një gangster famëkeq me origjinë po nga Shqipëria, që Duka kishte arrestuar më parë në vendin e tij e kishte shantazhuar atë për të qenë “kopshtari” për fermën e kanabisit.Duka tha se gangsteri kishte kërcënuar familjen e tij pasi kishte dalë nga paraburgimi i policisë.

Avokati dklaroi para hetuesve, se Dukës iu dha zgjedhja që të kujdesej për fermën e kanabisit ose të përballej me pasoja të rënda për familjen e tij në Shqipëri.

“Situata e tij pranohet nga Kurora, por kjo nuk përbën një mbrojtje të detyrimit. Ai ka pasur mundësi në shumë raste të shkojë në polici por nuk e ka bërë. Pikëpamja e tij ishte se policia në Mbretërinë e Bashkuar nuk do të ishte në gjendje të ndihmonte për sigurinë e familjes së tij në Shqipëri. Ai nuk ishte i përfshirë në organizimin e këtij operacioni, ai nuk ishte i përfshirë në asnjë plan për shpërndarje të vazhdueshme dhe, më e rëndësishmja, ai nuk fitoi para ose ndonjë përfitim në lidhje me përfshirjen e tij në këtë krim. ”