Emrat/ Trafikonin me mijëra fishekë nga Shqipëria, arrestohen grekët dhe shqiptari në Kretë

Policia greke ka arrestuar 5 person, mes tyre 4 grekë dhe 1 shqiptar, nën akuzën e trafikut të armëve.

Sipas policisë helene organizata aktivizohej në ishullin e Kretës dhe konkretisht në Hania.

Policia greke kishte informacion se anëtarët e kësaj organizata trafikonin armë dhe fishekë nga Shqipëria në drejtim të Kretës.

Pas hetimeve, autoritetet helene mundën të vërtetojnë aktivitetin e trafikantëve dhe kryen operacionin për kapjen e tyre, Manolis Janulis, Nikolas Lagudhaqis, Jorgos Karcionaqis, Manushos Pisadhaqis dhe shtetasi shqiptar Kostika Braho.

Tre shtetasit grekë u ndoqën prej policisë dhe u panë në afërsi të kufirit greko- shqiptar në Kostur teksa po ngarkonin pako me fishekë. Ata u ndoqën në distancë prej kufirit deri në ishullin e Kretës. Sapo zbritën nga anija, policia u vuri prangat tre grekëve të moshave 30, 65,72 dhe 73 vjeç,ndërsa një 41 vjeçar shqiptar u kap në zonën e Kosturit.

Në automjetin e përdorur prej trafikantëve u gjetën të fshehura 24.126 fishekë të kalibrave të ndryshëm, një pushkë gjermane, një automjet dhe një motoçikletë.

Në kërkim është shpallur një tjetër shtetas shqiptar i cili gjente dhe u dorëzonte trafikantëve brenda kufirit grek sasinë e fishekëve të sekuestruar. 65 vjeçari ishte arrestuar për të njëjtën akuzë në 2019.

Hetimet janë marrë në dorë nga departamenti i sigurisë së Haniasë dhe pritet që të dhëna konkrete tju jepen edhe autoriteteve shqiptare për gjetjen dhe arrestimin e pjesëtarëve të tjerë të organizatës në territorin shqiptar.