EMRAT/ Protesta e opozitës, dhjetëra të arrestuar, mes tyre edhe zyrtarë të PD-së

Nga protesta e sotme nuk kanë munguar shoqërimet dhe arrestimet e policisë ndaj protestuesve.

Sipas burimeve, janë mbi 30 të arrestuar, mes tyre edhe tre zyrtarët e PD Dega 9 Tiranë: Sokol Ndoja, Asllan Çiba, Bujar Vuka.

Të tre të arrestuarit janë shoqëruar nga policia në Komisariatin Nr.1.

NË KOMISARIATIN 2 GJENDEN:

Fatmir Myrta, kryetar i Degës nr.5

Linda Alushi, sekretare e të njëjtës degë

Elisabeta Skrapari, kryetarja e Lidhjes së Gruas Dega nr.5

Zyrah Kola, 70 vjeç, kryetar i grup seksionit 9 Dega nr.5

Katriel Myrta, djali i kryetarit të degës

Dardan Shalja, anëtar forumi, shoqëruar

Kujtojmë se protesta e PD e zhvilluar sot në Tiranë në pesë akse kryesore të qytetit, u shoqërua nga tensionet dhe shfaqje të dhunshme.

Opozita vendosi që të bllokojë për tre orë aksin rrugor përpara Bashkisë së Tiranës, Rrugën e Elbasanit, Sheshin Uilson, Zogun e Zi dhe Pallatin me Shigjeta.

Policia tentoi që të largojë nga rrugët protestuesit, ndërsa paralajmëroi më herët se bllokimi i akseve rrugore është vepër penale. Ndërsa, PD nga ana e saj deklaroi se ka lajmëruar policinë për protestën dhe se tubimi i tyre është i ligjshëm.