EMRAT/ Abuzuan me tenderin 143 mln lekë në UKT, GJKKO shpall të pafajshëm 3 punonjësit e bashkisë

GJKKO ka dhënë vendimin për 4 ish-zyrtarë të bashkisë së Tiranës, të cilët akuzohen se kanë abuzuar me tenderat kur kanë qenë punonjës në “Ujësjellës Kanalizime Tiranë”.

Tre punonjësit e Ujësjellësit të Tiranës, Ledia Ramon, Ortjon Dhamin dhe Engjëll Dedjan janë shpallur të pafajshëm, ndërsa biznesmeni Bledar Shemaj është dënuar me 6 muaj burg.

Ledia Ramon, Ortjon Dhamin dhe Engjëll Dedjan u akuzuan nga SPAK se favorizuan kompaninë 'Ë Center' të Blerim Shemaj në një tender me vlerë rreth 143 mln lekë për blerje kimikatesh dhe karbon aktiv. Ndërsa biznesmeni u dënua me 6 muaj burg pasi u akuzua për falsifikim dokumentesh.

Në dosjen e SPAK thuhej se: Ledia Ramo, Ortjon Dhami dhe Engjëll Dedja, akuzohen për kryerjen e veprës penale “Shkelja e barazisë së pjesëmarrësve në tendera apo ankande publike”, parashikuar nga neni 258, i Kodit Penal.

– Bledar Shemaj, akuzuar për kryerjen e veprave penale “Falsifikim i dokumentave” dhe “Falsifikim i vulave, i stampave ose i formularëve”, parashikuar nga nenet 186/1 dhe 190/1, të Kodit Penal.