E rëndë në Vlorë, 55-vjeçarja i jep fund jetës me fotoksinë, gjendet e vdekur nga bashkëshorti

Një ngjarje e rëndë ka tronditur mesditën e kësaj të hëne qytetin e Vlorës. Në zemër të këtij qyteti, në lagjen “Pavarësia” një 55-vjeçare është gjetur e pajetë. Ka qenë bashkëshorti ai i cili e ka gjetur pa shenja jete në banesën e tyre.

Sipas njoftimit të Policisë, dyshohet se kjo shtetase në gjendje të rënduar psikologjike ka konsumuar fotoksinë.

“Sot, rreth orës 14:41, është gjetur pa shenja jete nga bashkëshorti i saj, në banesën e tyre, në lagjen “Pavarësia”, shtetasja V. L., 55 vjeçe, e cila dyshohet se, në gjendje të rënduar psikologjike, ka konsumuar fotoksinë.

Grupi hetimor vijon punën për sqarimin e plotë të rrethanave të ngjarjes”, njofton Policia.