E Ngarkuara me Punë takohet me kryetaren e Gjykatës së Posaçme të Apelit, VanHorn: SHBA vijon mbështetjen e institucioneve të drejtësisë

E Ngarkuara me Punë Nancy VanHorn u takua me kryetaren në detyrë të Gjykatës së Posaçme të Apelit kundër Korrupsionit dhe Krimit të Organizuar, gjyqtaren Saida Dollani.

“VanHorn ndau mbështetjen e palëkundur për gjyqtaren Dollani dhe kolegët e saj, të cilët shfaqin guxim të pamasë dhe sakrificë personale në luftën kundër korrupsionit dhe krimit të organizuar. Vendimet e tyre janë jetike për t’i dhënë fund kulturës së mosndëshkimit në Shqipëri”, thuhet në deklaratën e ndarë në Facebbok nga Ambasada Amerikane në Tiranë.

Në këtë mesazh, theksohet se “ambasada e SHBA mbetet e përkushtuar për të mbështetur institucionet e drejtësisë së Shqipërisë në misionin e tyre për të ruajtur drejtësinë dhe integritetin”.